係『孤高』搜尋器搵下蒸南瓜食譜，差不多清一色都係蒜蓉豆豉排骨蒸南瓜老實講，豆豉唔係個個小朋友都啱食，個種鹹香味，要味蕾退化到一定程度嘅大朋友先會覺得好味道，我阿囡見到就會耍手擰頭，死都唔食做人父母，要小朋友食得開心，真係諗盡辦法，好笑係，阿囡唔知點解，又好鍾意食日式味噌，所以我計上心頭，就用雙味噌去做，而網路上好似無咩人會咁整搏一搏，結果好好食，啲南瓜本身帶甜，加上味噌鹹香，變得非常夾，又唔會太鹹，南瓜仲要整到軟綿綿，入口即溶，好正至於肉丁，因為蒸，肉片的話，蒸過龍會好鞋，所以用肉丁，蒸耐啲都唔怕，因為南瓜都要時間先蒸得透㗎